話說尋日我未去街之前，同老公、小公主仲有個朋友去食午飯。我哋去咗間餐廳，坐喺啲卡位度，老公同小公主坐，我就同我朋友坐，可以方便傾偈嘛。間餐廳啲卡位好闊落，我諗坐三個人仍然好鬆動，所以小公主可以自由活動，一時坐喺度玩，一時企喺度。正當我同朋友傾得興起之際，突然小公主一秒間喺我哋嘅對面消失咗。（其實係小公主坐得太出，佢又郁嚟郁去，結果好似「sir」滑梯咁「sir」咗落枱底）我嚇咗一跳，三個大人不約而同向枱底看，小公主仲傻傻地咁坐咗響度唔郁，我老公即刻「執」番小公主上嚟，我諗小公主有啲驚，因為神情有啲呆，不過我同朋友喺度哈哈大笑，緩和咗佢驚嘅情緒。不過當時嘅情况真係好好笑架。