呢排小公主真係令我好傷腦筋，因為小公主唔肯食嘢，佢係連奶都唔想食咁。每日到食飯嘅時候，佢就不停咁擰嚟擰去，就算成功將食物放到入口，小公主都會吐番出嚟。簡直同以前要不停食嘢，食量驚人嘅小公主啱啱相反，就係咁見佢日日係咁瘦，比起一個月前差成個碼，嗚~~~~~~點解會咁，唔通真係要減肥？小公主又唔識表達，我真係有種無從入手嘅感覺。

              

 

        今日終於去攞張智能身份証喇！嘻...好彩張証個樣都唔係好肉酸啫！因為以往多次影身份証張相，永遠都係樣樣衰衰，所以都唔敢抱太大期望，最多咪唔拎出嚟俾人睇。今次總算幾滿意

               天氣又突然轉冷，我其實唔太怕凍，不過就怕今天熱到死，聽日又凍到縮縮吓咁，實在太難適應，希望快啲正常番啦...

 

               而我同小公主呢，因為今晚老公又當夜班要聽晚先番，所以我就諗住唔落街，同小公主喺屋企閉關喇，費事帶佢去吹風啦！反正唔需要買太餸，雪櫃果的夠我同小公主嘆喇!

 

               好似好懶洋洋咁，不過幾舒服噃

              

 

              成日有人我：「你咁後生點解唔去做嘢，揾人湊小公主咪得囉！」其實當我準備懷小公主嘅時候，就索性將炒咗老闆魷魚。雖然知道咁做會令屋企嘅收入少咗好多，但我依然好執着。

 

              可能自己自小在破碎家庭中長大，由七、八歲開始就要照顧細妹同細佬，記得果陣放學就要煮飯，做完功課就買餸，但係其實好想有爸媽陪。有一段日子是爸爸在家，但唔知點解媽媽番咗嚟又到爸爸走咗，不過就算佢哋其中一個負責照顧我地都好，因為要揾食嘅関係見到嘅時間少之有少。

              

              最惨係細佬，因為佢太細所以要比人湊，而果個照顧佢嘅阿姨對佢唔好，試過喺呀姨度「離家出走」，細佬自己走去火車站叫啲叔叔幫佢打電話番屋企，當時佢只得四歲左右咋，好彩我喺屋企接到個電話，就即刻撲出去「救」佢。可惜我只係可以陪佢玩咗一日，最終佢都要番個阿姨度，因為媽媽話佢太細我唔識照顧，唉......

             

             所以我寧願自己湊小公主，而且成日同小公主一齊覺得好幸福，亦填補自己唔開心嘅童年。我希望小公主長大後，對兒時嘅事開心多於失落

               唔知點解，我成日見人哋啲baby好似大得好快咁，但小公主又覺得佢長得好慢。不過近排開始有啲唔同咗，小公主有啲小女孩feel，以前嘅bb樣慢慢咁轉變緊。但係我又開始有啲唔捨得，從前那個小粉團，圓碌碌又軟綿綿嘅小bear bear，果陣我天天抱住她。依家小公主已經學懂自己走路，學懂獨自玩玩具，甚至連去街亦唔需要我抱抱，佢會要求自己落地行。本來呢啲係我一直都期待的，快高長大，健康快樂是所有父母對子女的最大期望。但要告別小公主嘅bb模樣，真係好唔捨得，唔知道其他父母係咪都會經過我嘅個階段呢...

            

 

 

             話說小公主終於學識自己行之後，每天我都會帶小公主到公園練習，當然小公主也非常樂意，因為可以同其他小朋友接觸，有時小公主只係企喺度睇小朋友追逐，但係都開心到哇哇哇大叫。

             

             究竟小公主有咩怪異嘅發展呢？就係喺行動方面嘞，小公主行路好小心奕奕，甚至係唔夠胆將佢嘅脚仔舉得太高，我諗小公主可能怕跌倒，所以小公主行路起上嚟動作十分惹笑，就好似啲伯伯喺公園晨運一樣。

             

             我諗大家會認為小公主是很胆小，最初我都係咁諗。不過當小公主用蟻「欄」嘅速度終於到達遊樂塲嘅設施嘅時候，小公主嘅攀爬速度快得好緊要，我即時被小公主嚇一跳，眼見佢嘅動作俐落，轉眼就爬到比我身高還要高的攀架上，真係唔親眼睇到都唔信。連在塲的其他媽媽們也嚇了一跳，聲稱小公主好大胆，小公主好似認為我哋未夠驚喜，從那個高過我的滑梯滑下去，而且佢係脚落先趴響滑落嚟，邊滑邊哈哈大笑。當然在的觀眾亦觸目驚心，小公主一啲都唔在乎我哋嘅反應，佢由滑梯落在地上，又再蟻步到攀架，再箭步到滑梯前，再趴轉的滑落。見佢重覆咗好幾次，喺旁邊嘅我終於放心。相信佢唔會跌落先敢同佢一齊玩，所以小公主嘅發展係咪好奇怪呢！

        1.  瞓教好似打交---  喺我隔離都會遭殃架！所以小公主唔會同

我瞓架！

          2. 瞓醒就一定要食早餐 --- 唔食早餐嘅話，我會全身無力，頭

暈咁，真係會死架！

        3. 我係夜猫 ---  鍾意夜晚好靜無人打擾，就算小公主出世後都

無改變過。

        4. 可以唔講嘢 --- 基本上我唔係好怕悶嘅人，有時可以一日都

唔見人，唔講一句嘢都得。

        5. 唔鍾意着裙 --- 除咗懷住小公主果陣，因為着裙比較舒服。

平時我都好少會着裙，實在太麻煩同好唔方便呀！